Maamulka Somaliland war kasoo baxay dhawwaan ayaa lagu shaaciyay in magaalada Laascaanood iyo deegaanno kale oo hoostaga maamulka Khaatumo soo gaareen 600- dagaalyahanno ah uu wato Fuáad Shangole oo katirsan saraakiisha Al Shabaab.
War-saxaafadeed kasoo baxay maamulka sare ee Khaatumo SSC ayaa lagu beeniyay warka kasoo baxay maamulka Somaliland ee ku aadanaa in deegaannada maamulkaasi soo galeen xubno badan oo katirsan Al Shabaab.
Khaatumo ayaa warka kasoo baxay Somaliland ku tilmaantay rafasho iyo aflagaado, waxa ayna ka codsadeen maamulka Somaliland in bulshada u cadeeyaan qaabka magaalada Laascaanood kusoo galeen 600-oo katirsan kooxda Al Shabaab.
Maamulka Khaatumo ayaa cadeeday in si buuxda gacanta ugu hayaan xuduuda deegaannada ay maamulaan, waxa ayna sheegeen in diyaar u yihiin in hayádaha amniga Soomaaliya iyo caalamkaba kala shaqeeyaan kahor-taga kooxaha argagaxisada ah.
Xafiiska Shabakada Allbanaadir.com
Muqdisho Somalia
Allbanaadir@live.com
