Madaxweynaha Galmudug Axmed Qoorqoor iyo taliyaha ciidanka nabad sugida iyo sirdoonka Qaranka mahad Salaad ayaa gaaray degaanada Ceelgaras iyo Ceel la helay ee gobolka Galgaduud oo maanta ciidanka DF ay ka saareen Al-shabaab.
Labada masuul oo xirnaa dareyska ciidamada ayaa ku sugnaa furumaha dagaalka oo ay kula kulmeen saraakiisha hogaamineysa ciidamada xoogga dalka.
Al-shabaab ayaa la sheegay iney isaga baxeen magaalada markii ay hareereeyeen Ciidanka DF iyo kuwa Difaaca Shacabka.
Ciidamada Dawladda iyo kuwa qabaa’ilka ayaa barqadii galay magaalada Ceelgaras oo qiyaastii 40km u jirta degmada qadiimiga ah ee Ceelbuur, iyagoon wax iska caabin ah la kulmin.
Ceelgaras waa magaalo ku taala wadada u dhaxaysa Dhuusamareeb iyo Ceelbuur, waxana muddo dhawr iyo toban sano ah gacanta ku hayay ururka Al-Shabaab.
Qabasashada ciidamada Dawladda iyo kuwa deegaanka ee Ceelgaras ayaa ka dhigan, tallaabo loogu sii dhawaanayo sidii markale gacanta loogu dhigi lahaa degmada Ceelbuur.
HOOS KA DAAWO SAWIRO IYO VIDEO
