Kooxo hubeysan oon heybtooda la garan ayaa toogasho ku dilay Sheekh Sami Abed al-Latif oo ka tirsanaa culimada iyo imaamyada Masjidka Quba, oo kuyaalla magaalada Kfar Kara ee dhulka xoogga ay ku heestaan Israíl.
Imaamka ayaa la sheegay in la toogtay isaga oo goob waddo ah socday, waxaana toogashada kaddib horey usii baxsaday dadkii ka dambeeyay oon wali heybtooda la garan sida booliiska Israíl sheegeen.
Ciidamo booliis ah oo gaaray goobta dilku ka dhacay ayaa sheegay in ay sameenayaan baaritaano, waxa ayna saraakiisha ciidamada tilmaameen in lasoo qabanayo lana ciqaabayo kuwii dilka geestay.
Dilkan ayaa noqonaya kii labaad oo 24-saac gudihiisa ka dhaca magaalada Kfar Kara, waxaana saacado kahor magaaladaasi loogu dilay labo nin oo dhallinyaro ah, kuwaa oo la toogtay xilli ay gaari wateen.
Magaaladan ayaa la sheegay in ay ka jiraan dilal abaabulan oo loo geesanayo dadka Carabta kasoo jeeda ee halkaasi kunool, muddo sannad ah ayaa la sheegay in magaaladan lagu dilay dad ka badan 100-qof oo kasoo jeeda qowmiyada Carabta.
Xafiiska Shabakada Allbanaadir.com
Muqdisho Somalia
Allbanaadir@live.com
