Wasaarada Shaqada iyo Arrimaha Bulshadda ee Xukuumada Somalia ayaa fasaxday Shaqaalaha rayidka ah ee heyaddaha DF maalinta beri ah oo taariikhdu tahay 19ka bisha July oo sidoo kale ku beegan 1da bisha Muxaram, sababo la xiriira curashada sanadka cusub ee Hijiriyada Islaamka 1445.
Wasiirka Shaqada iyo Arrimaha Bulshadda Xildhibaan Dr Maxamed Cilmi Ibraahim ayaa Munaasibadda curashada Sannadka cusub ee Islaamka 1445. H wuxuu hambalyo u diray dhammaan Ummadda Islaamka gaar Shacabka Soomaaliyeed .
Wasiir Dr. Maxamed Cilmi Ibraahim ayaa sidoo kale hambalyada sannadka cusub ee Islaamka la wadaagay shaqaalaha rayidka ee dowladda iyo shaqaalaha Madaxa-bannaan ee soomaaliyeed meel kasta oo ay joogaan.
Dhinaca kale Wasiirka ayaa guud ahaan Ummadda Islaamka u rajeeyay in sannadkan sannadkiisa kale nagu gaarsiiyo 𝐍𝐚𝐛𝐚𝐝, 𝐁𝐚𝐫𝐰𝐚𝐚𝐪𝐨 , 𝐂𝐚𝐚𝐟𝐢𝐦𝐚𝐚𝐝 𝐢𝐲𝐨 𝐂𝐢𝐛𝐚𝐚𝐝𝐨 𝐒𝐮𝐮𝐛𝐚𝐧.
Xafiiska Shabakada Allbanaadir.com
Muqdisho Somalia
Allbanaadir@live.com
